Música e Tic

Estamos a preparar un recompilatorio musical para dar por finalizado este primeiro trimestre e recoller as cancións que traballamos na aula de música.

Un chaveiro interactivo cos enlaces as cantigas que os nenos e nenas interpretan.

Coa impresora 3D e a través da plataforma Thingiverse atopamos un chaveiro de Clave de Sol (a protagonista das sesións) e na web  de "Unitag" creamos os códigos QR.

CREANDO QR PARA O DÍA DA MULLER

No Taller TIC creamos o código QR que da acceso ao traballo sobre as PIONEIRAS realizado para o 8M.

Ver aquí a presentación do traballo na biblioBN

CREANDO CODIGOS QR

Estes dias, no taller TIC, estivemos a crear uns codigos QR que nos dirixirán aos videos tutoriais do Taller Escornabótico. Personalizamos cada un deles, de xeito que levan o logotipo co numero da sesión.

AULA ROSA

AULA AZUL

Despois pegámolos nas nosas fichas do Manual de Instrucións de Montaxe do Escornabot, e escaneando cada unha delas cun lector de CODIGOS QR, accederemos ao video da sesión correspondente.

QR CENORIAS

QR FRESAS

CREANDO CÓDIGOS QR

Unha vez finalizadas as páxinas web das fresas e das cenorias pasamos a crear un QR para cada un dos SITES.

Empregando un dos moitos programas online para este fin, pegamos onde nos indica a dirección web do noso SITE, e o programa crea un QR que xa podemos gardar ou imprimir.

O último paso é comprobar que o QR nos leva á páxina web que queremos, así que o comprobamos na TABLET coa axuda dun programa lector destos códigos, o QR DROID.

HORTO QR

Durante o primeiro trimestre, estivemos destinando algunhas das sesións do Taller TIC á creación de páxinas web (empregando GOOGLE SITES) dalgunhas das especies do noso horto. 
Nestas páxinas insertamos debuxos e fotografías realizadas por nós, xunto con información relativa ao cultivo.

O proceso de creación destas páxinas é longo e costoso, xa que teñen que debuxar, tomar fotografías, empregar internet para atopar os nomes científicos das especies, as súas características, enlaces interesantes... Procesar toda esta información, sintetizala, e despois plasmala mediante a escritura.

Neste trimestre crearemos un código QR para cada páxina finalizada: a das fresas e a das cenorias, e así, o HORTO QR irá tomando forma.

OS QR DO COLE

Seguimos a traballar coa TABLET e os CÓDIGOS QR.

Desta vez escaneando coa TABLET os distintos QR do cole e identificándoos cos seus respectivos blogs.