COMEZAMOS NOVO CURSO

Arrancamos o curso e o noso escornabot da aula azul xa chegou das vacacións disposto a coñecer aos novos alumnos que empezan este ano en tres anos. Non podía faltar a plantilla coas súas imaxes e as súas iniciais para facer dinámicas de presentación do alumnado ao tempo que introducimos as letras e así traballar o inicio da lectoescritura.

#mesturarte: Monopoly escornabótico!

Aprendizaxe globalizado: Traballamos a robótica, a orientación espacial, vocabulario do proxecto, tipos de vivendas, numeración, descomposición númerica, ´xogo en grupo, respecto de quendas e normas... 

 Unha proposta para o proxecto #mesturarte.

Canto miden os pasos do escornabot?

Estes días estamos a traballar cos robots sen o taboleiro, construíndo os nenos e nenas o percorrido que queren que fagan. Na sesión anterior, o calculo da cantidade de pasos fixerono de xeito estimado, levándoos a cabo por ensaio-erro ata que conseguían que chegara á meta. Desta volta, tiveron que medir canto avanza tendo un obxecto de referencia e así calcular todos os movementos, para que unha vez introducido o código correcto, o escornabot chegase ao seu destino dunha única viaxe. Así o fixeron:

Robots na gran cidade

Esta semana no espazo Fedelleiro os robots invadiron una gran cidade chea de rañaceos. O alumnado tivo que deseñar o camiño para chegar aos altos edificios e logo guiar aos diferentes robots ata o seu destino.

Taller Escornabótico: Montaxe do Escornabot da Aula de 3 anos

Taller Escornabótico: Cambio dun motor

O alumnado de 4 anos cambiou un motor avariado dun Escornabot.

Tamén rotularon a caixa onde metemos os Escornabots con algún tipo de "problema" ou avaría.

Beebot e Bluebot

No obradoiro TIC estivemos a lembrar as características de todos os robots que temos no centro e as súas diferenzas. Para poder medir os desplazamentos utilizamos as regletas e observamos as súas medidas, polo que as súas plantillas tamén son distintas.

Agora sí, podemos volver a traballar con eles!

TinyTap: O bosque dos veciños

Xogo complementario á plantilla do escornabot, plantexado desde a aplicación Tinytap!

Descubride os sons dos animais que viven no bosque dos veciños

A aula laranxa coñece o Escornabot

Os pequenos da escola xa coñecen ao Escornabot. Estamos a probar os seus movementos pola plantilla das iniciais dos seus nomes.

Además no obradoiro TIC tamén xogamos coa pizarra dixital ao xogo do Lobo Matías, que nos achega a xogos relacionados coa lóxica-matemática. Se clicades na imaxe poderedes xogar na casa. 

Plantilla: Bosque dos veciños

 Nova plantilla sobre o proxecto #somosdemonte.

Asociamos os sons que fan os animais que viven no Bosque dos Veciños (Oleiros) coa súa imaxe. 

Os sons reproducimolo na aplicación Tinytap (nun equipo), e no outro utilizamos o dado co código de xogo.

Plantilla "Cos pés na terra"

O noso escornabot anda de excursión polo #monte galego descubrindo árbores e os seus froitos. Aproveitamos as árbores que nomean na canción "Cos pés na terra" de Paco Nogueira para motivalos no xogo.

Para xogar, metemos as seguintes tarxetas nun saquiño, sacamos unha e relacionamos as letras ata atopar o seu froito.

ESCORNABOT E RA

No Taller TIC estivemos a xogar cunha plantilla para o Escornabot con Realidade Aumentada, con vídeos explicativos do noso patrimonio realizados polo alumnado de 5 anos.

APP PARA O ESCORNABOT

No Taller TIC estivemos a probar o manexo do Escornabot desde a TABLET. Temos que conectar o módulo BLUETOOTH na placa e descargar a app do GOOGLE PLAY.

Podedes descargar a APP aquí:

CAMBIANDO O XIRO DO ESCORNABOT

Empregando o ARDUINO cambiamos o xiro o Escornabot de 90 a 60 graos para poder empregalo en novos paneis de xogo.

Ver o proceso aquí

ARDUINO

No Taller TIC estivemos a traballar co ARDUINO para facer que o Escornabot avance os mesmos centímetros que o BEEBOT.

Medimos o que avanza cada un.

Enchufamos o Escornabot ao ordenador, abrimos o ARDUINO e buscamos na programación onde aparece configurado o avance. 

Cunha axudiña das profes e da calculadora facemos unha regra de tres para transformar o valor do avance da programación orixinal (1738 =10 centímetros) a 15 cm, o que avanza o BEEBOT. Cambiamos este valor na programación e o cargamos no Escornabot.

LOBObot

Unha vez deseñadas as caretas dos porquiños animámonos a deseñar e imprimir tamén a do lobo.

Ver aquí a dinamización de Os Tres Porquiños e o Lobo.

CACHOLAbot

No Taller TIC cada aula deseñou unha carauta de porquiño para o Escornabot.

Unha vez realizados os deseños os pasamos polo SELVA3D para transformalos en arquivos de deseño 3D (.stl) e no TINKERCAD añadimos o volume.

Para rematar os abrimos no CURA para transformalos en arquivos de impresión 3D (.gcode) e os imprimimos.

Listos para xogar cos CACHOLAbots!

PERCORENDO GALICIA CO ESCORNABOT

No Taller TIC damos á Volta a Galicia co Escornabot xogando cun Mapa de Galicia como panel, un dado e tarxetas con comandos.

Partimos de Pastoriza, sacamos unha tarxeta cun comando, tiramos o dado e miramos a que lugar nos leva.

Polo Entroido disfrazamos ao Escornabot de Peliqueiro, Pantalla, Cigarrón...e o levamos ao lugar onde é típico ese personaxe.

XOGANDO COS ROBOTS

Continuamos xogando e aprendendo cos robots do cole: BEEBOT, BLUEBOT e ESCONABOT

No Taller de 3 anos traballamos as formas xeométricas co Bluebot e os nosos nomes co Escornabot.

No de 4 anos xogamos cos nosos números de lista e o dodecaedro na recta numérica co Escornabot.

No Taller de 5 anos realizaron a medición dos avances dos robots coas regletas, traballando composición e descomposición de cantidades.

TALLER ESCORNABÓTICO 3 ANOS

Os nenos e nenas de 3 anos xa montaron o seu Escornabot.