IMPRESIÓN 3D: MATERIAL DE URXENCIA SANITARIA

A impresora 3D é un dos recursos TIC que máis usamos na nosa escola desde que se adquiriu a través do proxecto Arteixo Innovación.

Tal e como require a situación actual que estamos a vivir, non tiña sentido que estivese parada esperando á chegada dos nenos e nenas, por iso todo o claustro estivemos de acordo en cedela para que mentres a escola estea pechada, se poida sacar o máximo partido dela.

Por iso estamos a colaborar co Laboratorio de fabricación dixital da ETSAC (Escola Técnica Superior de Arquitectura da Coruña) na realización de viseiras 3D no proxecto colaborativo coronavirusmakers.org de protección para o persoal sanitario. Ademais unha das nosas mestras está facendo viseiras a man con todo o acetato para que o nosos sanitarios poidan levar a cabo o seu traballo protexidos durante esta crise sanitaria.

Algunhas das viseiras xa están sendo utilizadas, e desde aquí queremos enviar forzas e dar as grazas a todo o colectivo sanitario por o intenso traballo destes días.
    

Exipto en STOPMOTION

Na aula azul xa están rematando a súa viaxe por Exipto, onde coñeceron cultura, música, animais, xeografía, tradicións e arquitectura. O alumnado decidiu plasmar nunha maqueta todo o aprendido con distintos materiais: da natureza, de refugallom, impresión 3D... 

Na sesión de TIC de esta mañana elaboraron este STOP MOTION!

Exipto-Stopmotion from biblio BN on Vimeo.

Exipto 3D

Na viaxe a Exipto da aula azul, andan a traballar cos xeroglíficos das pirámides, e no recuncho da aula non podía faltar un "mini mundo" desta parte do mundo. Coa impresora 3D construiron os seus nomes e imprimimos pirámides, sarcófagos, a Nefertiti que atopamos na páxina de Thingiverse e como non, o abecedario!

 

Iniciais en 3D

Un ano máis o alumnado de 3 anos toma o seu primeiro contacto coa impresora 3D facendo as súas inicias.

Música e Tic

Estamos a preparar un recompilatorio musical para dar por finalizado este primeiro trimestre e recoller as cancións que traballamos na aula de música.

Un chaveiro interactivo cos enlaces as cantigas que os nenos e nenas interpretan.

Coa impresora 3D e a través da plataforma Thingiverse atopamos un chaveiro de Clave de Sol (a protagonista das sesións) e na web  de "Unitag" creamos os códigos QR.

A inicial en 3D

Os nenos e nenas de 3 anos están a traballar a iniciación a lectoescritura a partir do seu propio nome, e foi por iso que aproveitamos a imprimir na impresora 3D cadansúa inicial!

Minimundo co Doddle 3D

Estes días no taller TIC estivemos a traballar cunha nova ferramenta 3D, Doodle 3D. 

É unha ferramenta moi sinxela, e intuitiva, na que os nen@s poden ver o seu deseño 3D simultáneamente, e rectificar o que queiran. E coma o noso proxecto leva por título "Somos de Monte", estamos a debuxar o noso monte, animais, vexetación...

Así pouco a pouco iremos deseñando o noso "Minimundo" #somosdemonte que formará parte do noso Espazo Fedelleiro.

Muro SCRABBLE

Impresión 3D das fichas do xogo SCRABBLE para crear no espazo Fedelleiro un muro con este xogo.

Buscamos as letras no repositorio do Thingiverse, redimensionamos o tamaño co programa CURA e imprimimos. As consoantes e vogais diferenciaremolas pola súa cor.

 

LOBObot

Unha vez deseñadas as caretas dos porquiños animámonos a deseñar e imprimir tamén a do lobo.

Ver aquí a dinamización de Os Tres Porquiños e o Lobo.

CACHOLAbot

No Taller TIC cada aula deseñou unha carauta de porquiño para o Escornabot.

Unha vez realizados os deseños os pasamos polo SELVA3D para transformalos en arquivos de deseño 3D (.stl) e no TINKERCAD añadimos o volume.

Para rematar os abrimos no CURA para transformalos en arquivos de impresión 3D (.gcode) e os imprimimos.

Listos para xogar cos CACHOLAbots!

MOLDES PARA A PAZ

Deseñamos nas mesas multitáctis uns moldes para facer o Obradoiro de Pan no Día da PAZ.

Pasamos os deseños polo SELVA3D e despois os imprimimos na Impresora 3D.

ALFABETO 3D

No Taller TIC estamos a deseñar un alfabeto 3D para rotular os espacios do cole partindo do noso trazo.

Transformamos as grafías (.jpg) en obxectos 3D (.stl) co SELVA3D.

Por último, abrimos estos obxectos co CURA, os redimensionamos e os transformamos en arquivos de impresión 3D (.gcode).

Os gardamos na tarxeta da impresora e... listos para imprimir!

AGASALLO 3D

Este curso agasallamos aos coles do Proxecto "Escornabots na Biblioteca Escolar" cun deseño 3D elaborado co trazo dun neno de 5 anos.

A imaxe foi transformada co SELVA3D, redimensionada co CURA e materializada coa Impresora 3D.

IMPRESIÓN 3D DAS NOVAS INICIAS

No Taller TIC os nenos e nenas da Aula de 3 anos están empezando a imprimir as iniciais dos seus nomes.

Unha vez creado o arquivo de impresión (.gcode) no CURA o pasamos a tarxeta da impresora 3D e o imprimimos.

A primeira inicial elexida foi a da profe Irene.

Despois serán as nosas!

Había unha vez un barquiño......en 3D

A AULA DE 3 ANOS RECIBIU UN ENCARGO EN FORMA DE DEBUXO, PARA TRANSFORMALO EN UN BARQUIÑO EN 3 DIMENSIÓNS

DEBUXAMOS CADA UNHA DAS PARTES CO SMART NOTEBOOK E GARDAMOLAS COMO IMAXE

PARA CONVERTIRLAS A 3D EMPREGANDO O SELVA 3D, CADA UNHA DELAS POR SEPARADO

 IMPORTÁMOLAS NO TINKERCAD, E IMOSLLE DANDO A CADA UNHA DELAS UNHA ALTURA DISTINTA, E COLOCAMOSLA PARA FORMAR O BARQUIÑO

GARDAMOLAS COMO ARQUIVO *.STL 

E LISTOS PARA IMPRIMIR!!